Bakmanspolitiið kannar Vinnuframagrunnin

Fyrr í vikuni gjørdu tvey løgreglufólk húsarannsókn hjá Vinnuframa, tí illgruni er um svik og mandatsvik.

Hald er lagt á skjøl, og fólk eru avhoyrd, váttar Hildur Hentze, varapolitikommisserur.

Nevndin varð skift í 2009 og stjórin uppsagdur stutt eftir, at tað alment kom fram, at eitt slag av stuðulskarussel, t.e. at somu persónar ganga aftur í somu málum,  hevði virkað í grunninum hesi árini. Men eingin varð meldaður.

Nevndarformaðurin í Vinnuframa, Regin Dalsgaard, váttar, at hann er avhoyrdur í málinum. Regin Dalsgaard sigur, at undir avhoyringini, sum hann sjálvur tók stig til, vísti hann á, at alt ikki fór rætt fram fyri 2009, tá hann tók við sum nevndarformaður.