Marine Harvest: Eiga ikki at ala meiri

Marine Harvest: Eiga ikki at ala meiri
Trupulleikin við laksalús er vorðin so stórur, at hann eigur at verða bastur fyrst, sigur stjórin í heimsins størstu alifyritøku
 
17.03.2014 - 16:34

Noreg eigur ikki at ala meiri.

 Tað eru greiðu boðini frá John Fredriksen, sum er stjóri í heimsins størstu alifyritøku, Marine Harvest.

Tað kemur óvart á alivinnuna, at Marine Harvest mutar ímóti at økja alivinnuna, tí tað kundi givið felagnum fýra milliardir krónur meiri í inntøku. Norsku myndugleikarnir arbeiða við eini ætlan at økja alivinnuna við einum fimtaparti. Tað skal m.a. gerast við at lata meiri fisk ganga í alibrúkunum.

Meiri fyri minni

Men hesum tekur John Frederiksen ikki undir við, tí norðmenn kunnu missa meir fyri minni, um alivinnan verður økt.

Stjórin í Marine Harvest sigur, at laksalús er vorðin so stórur vandi fyri norsku alivinnuna, at tað kann ikki koma upp á tal at vaksa vinnuna, fyrr enn trupulleikin við laksalús er bastur. Hann vísir á, at í 2008 og í 2009 varð nógv gjørt fyri at vaksa um alivinnuna í Kili. Tað hevði við sær, at laksalúsin av álvara fór at gera um seg. Samstundis vórðu aðrar sjúkur staðfestar, og tí mátti fiskurin takast í skundi.

Misti nógvan pening

Tað, sum hendi í Kili, hevði við sær, at Marine Harvest misti nógvar pengar.Tí eigur Noreg at bíða eftir, at tamarhald er fingið á laksalúsini, áðrenn avgerð verður tikin um at økja alingina, sigur John Frederiksen, stjóri í Marine Harvest.

 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486