Hús fingu stóran skaða av eldsbruna

Eini sethús í Krossgøtu í Eysturbýnum í Havn fingu stóran skaða, tá eldur kom í húsini í gjárkvøldið. Fólk sóu royk í húsunum og luktaðu eisini royk. Tey boðaðu Alarmsentralinum frá klokkan 13 minuttir í níggju.  

Tá politiið og sløkkiliðið komu á staðið, var eisini eldur at síggja innan fyri køksvindeygað.

Einki fólk inni

Roykkavarar fóru inn í húsini, men einki fólk var inni. Av tí øll vindeygu og allar hurðar vóru afturlatin, breiddi eldurin seg ikki. Fyribils niðurstøðan hjá politinum er, at eldurin er kyknaður við komfýrin. Men tað er ikki staðfest enn.

Politiið upplýsir í morgun, at húsini fingu stóran skaða.