Nógv virksemi á flogvøllinum

Higartil í ár er talið á ferðandi um Vága Floghavn vaksið við 4.478. Fleiri smærri flogfør eru eisini lend í Føroyum í ár.

Talið á smáum flogførum, sum lenda í Vágum, er nógv økt síðan flogvøllurin varð longdur.

Grækaris Djurhuus Magnussen

04.07.2012 - 10:32

<div>Oljuleitingar virksemið hjá Statoil byrjaði seinast í juni mánaða í ár. Leiðslan í Vága Floghavn ivast ikki í, at tað fer at fáa ávirkan á flúgvingina, bæði á rutuni millum Føroyar og Danmark - og á rutini millum Føroyar og Noreg. </div><div><br></div><div>Roknað verður eisini við fleiri norskum ferðafólkum í ár, og tað heldur Vága Floghavn vera góð tíðindi hjá ferðavinnuni.</div><div><br></div><div><b>Fleiri smærri flogfør</b></div><div><br></div><div>At flogvøllurin varð longdur úr 1.250 metrum upp í 1.799 metrar, hevur millum annað havt við sær, at fleiri smærri flogfør eru lend í Føroyum. Talan er um flogfør, sum taka úr 2 upp í 10 ferðafólk. Talið á smáum flogførum, sum eru lend í Vágum, og sum eru komin úr øðrum londum enn Danmark, er vaksið við 25 prosentum. </div><div><br></div><div>Nøkur flogfør steðga bert í nakrar fáar tímar, meðan onnur steðga í nakrar fáar dagar, upplýsir Vága Floghavn.</div><div><br></div><div><br></div>