- Tíðindi, mentan og ítróttur
Broyting í byggisamtykt kostar dýrt
<div>Ein broyting, sum Tórshavnar kommuna gjørdi í byggisamtyktini í 1999, kom at kosta kommununi dýrt. </div><div><br></div><div>Tórshavnar kommuna broytti eina serstaka byggisamtykt, so fimm matrikulnummur gjørdust fríøki til almenn endamál í staðin fyri sethúsaøki. </div><div><br></div><div>Tey, sum eiga matriklarnar, mistu tí møguleikan at byggja á teimum. Tey royndu fyrst at gera semju við kommununa. Tá tað mislukkaðist, stevndu tey kommununi eftir endurgjaldi. Tey fingu viðhald, fyrst í Føroya rætti, og so í Landsrættinum, sum hækkaði endurgjaldið 110.000 kr. upp í 2,4 milliónir. </div><div><br></div><div>Omaná komu prosessrenta, góðar 870.000 kr., og sakarkostnaður, góðar 320.000 kr.. Tilsamans 3,6 mió. kr. </div><div><br></div><div>Men kommunan sleppur tó nakað bíligari, nú málið 13 ár seinni er liðugt. </div><div><br></div><div>Fyri trimum vikum síðani gjørdu eigararnir og kommunan semju um, at kommunan fær tríggjar matriklar av teimum fimm at brúka til almenn endamál, og tí minkar endurgjaldið, sum kommunan er dømd at gjalda, samsvarandi niður í góðar 2,2 milliónir krónur. </div><div><br></div>
