Ólafur Ragnar vinnur so ruddiliga

Alt bendir á, at Ólafur Ragnar Grímsson verður sitandi í forsetasessinum í Íslandi. Veljarakanning vísir, at hann fær 57 prosent av atkvøðunum

Alt bendir á, at Ólafur Ragnar Grímsson, sum hevur verið forseti í Íslandi síðani 1996, sleppur at halda fram eitt valskeið aftrat.

Høgni Djurhuus

Johnsigurd Johannesen

29.06.2012 - 10:02

<div>Dagin fyri forsetavalið í Íslandi siga veljarakanningar, at sitandi forseti, Ólafur Ragnar Grímsson, fer at vinna valið so ruddiliga.</div><div><br></div><div>Hann hevur somu undirtøkuna sum fyri tveimum vikum síðani, 57 prosent, vísir kanningin, sum Fréttablaðið og Støð 2 hava gjørt.</div><div><br></div><div>Tíðindakvinnan Þóra Arnórsdóttir, sum vit sóu í Degi og viku herfyri, fær 30,8 prosent. </div><div><br></div><div>Ein onnur kanning, sum Gallup gjørdi, gav Ólafi 50,8 prosent og Þóru 33,6 prosent. Hini fýra, sum stilla upp, fáa millum 9,3 og hálvt prosent í kanningini hjá Gallup.   </div><div><br></div><div>Men fjórði hvør veljari hevur enn ikki avgjørt, hvønn tey fara at velja.</div><div><br></div><div>Fær Ólafur Ragnar Grímsson meira enn hálvthundrað prosent í morgin, verður tað fyrstu ferð, síðani Kristján Eldjárn varð valdur til forseta í 1968, at eitt forsetavalevni fær meira enn helvtina av atkvøðunum.  </div><div><br></div><div>Ólafur Ragnar Grímsson hevur verið forseti síðani 1996.  </div><div><br></div><div>    </div>