- Tíðindi, mentan og ítróttur
Vænta at skriva undir í hesi vikuni
<p>Fakfeløgini, sum liggja framvið at keypa helvtina av Føroya Lívstrygging, vænta, at skrivað verður undir avtaluna í hesi vikuni.</p><div><br></div><div>Pætur Niclasen, formaður i S&K og talsmaður fyri fakfeløgini, sigur við Dimmalætting, at ætlanin var at skriva undir í gjár, men tað varð av ongum.</div><div><br></div><div>- Vit arbeiða víðari, og eg vóni, at vit fríggjadagin kunnu gera eina treytaða keypsavtalu við Vinnumálaráðið, sigur Pætur Niclasen við Dimmalætting.</div><div><br></div><div>Fæst ein avtala í lag, fara Ognarfelagið og fakfeløgini at eiga hvør sína helvt av Lív, og tí skal ein partaeigarasáttmáli gerast. </div><div><br></div><div> Hóast helvtarbýti, vilja fakfeløgini hava meirilutan í nevndini, sigur Pætur Niclasen. Hann vísir á, at fakfeløgini keypa sín part, og keypið skal forrentast, meðan Ognarfelagið hevur fingið sína helvt. </div><div><br></div><div><br></div>
