Kyndil eina hond á FM-steypinum

Kyndil hevur aðra hondina á FM-steypinum, eftir at tær í dag vunnu fyrru FM-finaluna á VÍF.

Úrslitið bleiv 19-16 til Kyndil. Kyndil var á odda 12-7 í hálvleikinum.

Nógvir tekniskir feilir í álopspartinum kostaðu VÍF nógv í fyrra hálvleiki.

Í seinna hálvleiki var tó umvent, og tað var um reppi,at VÍF fekk Kyndil aftur, tí tá 20 minuttir vóru spældir kom VÍF upp á 13-14.

Hóast Kyndil bara skoraði tvey mál fyrstu 20 minuttirnar í seinna hálvleiki (eitt brotskast), megnaðu tær tó at svara aftur og at halda fast um leiðsluna.

VÍF - Kyndil 16-19 (7-12)

Toppskjúttar, VÍF: Liljan Djurhuus 6, Durita Christophersen 4

Toppskjúttar, Kyndil: Simona Petersen 10, Bára K. Hansen 3

Næsta kvinnufinalan verður leygardagin í høllini á Hálsi í Havn. Dysturin byrjar kl. 16.00, og útvarpið sendir beinleiðis