- Tíðindi, mentan og ítróttur
Flakavirkið í Vestmanna verður uppsjóvarvirki
<div>Vestmanna Seafood hevur tikið ímóti 300 tonsum av makreli, síðani tey byrjaðu fyrst í hesum mánaðinum. Higartil hevur felagið húsast í leigaðum hølum. Men í næstum verður flutt inn í gamla flakavirkið í bygdini, sum felagið hevur keypt . Tá fara eini 30 fólk at arbeiða á Vestmanna Seafood.</div><div><br></div><div>Hesar fyrstu tríggjar vikurnar hevur nógv veriða at gjørt á nýggja uppsjóvarvirkinum í Vestmanna. Eini 20 fólk hava arbeitt í vaktum alt samdøgrið við at heilfrysta makrelin í blokk. Virkið keypir rávøruna frá skipunum hjá Varðanum í Gøtu, og hon kemur til Vestmanna í kølitangum. Virkið hevur higartil tikið ímóti 300 tonsum av makreli.</div><div><br></div><div>Stjórin á Vestmanna Seafood, Eyðun Olsen, sigur, at tey eisini hava gjørt royndir við at skera makrel til flak. Hetta sær spennandi út, og er eisini ein møguleiki í framtíðini. </div><div><br></div><div><b>Arbeiða á báðum virkjunum</b></div><div><br></div><div>Fyrstu tíðina hevur virkið húsast í bygninginum, har Atlantis áður var. Men um einar tvær vikur ella so flytir virksemið inn á gamla flakavirkið í Vestmanna, sum Vestmanna Seafood hevur keypt til endamálið og hevur umvælt og umbygt. M.a. er øll frystiútgerðin umvæld og gólv eru gjørd av nýggjum. Tá tey eru flutt, verða tey helst eini 30 fólk til arbeiðis.</div><div><br></div><div>Tá gamla flakavirkið verður tikið í nýtslu, verður arbeitt í báðum virkisbygningunum hjá Vestmanna Seafood</div><div><br></div><div>Eyðun Olsen, stjóri, sigur, at málið er, at virkið skal verða í gongd alt árið. Tá makrelverttíðin er av, kemur sildin fyri og síðani svartkjafturin. </div><div><br></div>
