- Tíðindi, mentan og ítróttur
Íslendingar fáa nógvan ivasaman giktaheilivág
<div>Vandamikli heilivágurin móti gikt og aðrari pínu, Diclofenac, verður nakað minni brúktur í Føroyum enn í Danmark.</div><div><br></div><div>Í Danmark fáa 150.000 fólk hendan heilivágin. Tað eru 2,7 prosent av fólkinum í landinum.</div><div><br></div><div>Í Føroyum hava, sambært Apoteksverkinum, 1070 fólk fingið Diclofenac higartil í ár. Og tað eru 2,2 prosent av fólkinum her. Gunnar Gislason, yvirlækni og seniorgranskari á sjúkrahúsinum í Gentofte, ávarar móti heiliváginum, tí hann elvir til hjartatrupulleikar og blóðtøppar, og fólk doyggja av honum.</div><div><br></div><div><b>Íslendingar fáa nógvan heilivág</b></div><div><br></div><div>Men í Íslandi eru læknarnir raskir at geva sjúklingum Diclofenac, skrivar Morgunblaðið. Har fáa 35.000 fólk ivasama heilivágin. 35.000 fólk eru næstan 11 prosent av fólkinum í Íslandi.</div><div><br></div><div>Í ongum øðrum Norðurlandi er Diclofenac so nógv brúkt sum í Íslandi, skrivar Morgunblaðið. Og nýtslan bara veksur, hóast læknar fullvæl vita, at heilivágurin hevur skaðilig hjáárin. Gunnar Gislason mælir til at forbjóða Diclofenac. </div><div><br></div><div>Evropeiski heilivágsstovnurin ætlar at viðgera Diclofenac á fundi í næsta mánað. </div><div><br></div><div>Evnið Diclofenac verður selt undir fleiri nøvnum, millum annað Diclodan, Diclon og Voltaren.</div><div> </div><div><br></div>
