- Tíðindi, mentan og ítróttur
Lægsti oljuprísur í hálvt annað ár
<div>Oljuprísurin hevur ikki verið so lágur seinasta hálvt annað árið, sum hann er nú, og líkt er til, at prísurin fer at lækka enn meiri.</div><div><br></div><div>Eygleiðarar siga, at prísurin er lækkaður 27 prosent seinastu mánaðirnar, og at prísurin ikki hevur verið lægri síðani í oktober í 2010.</div><div><br></div><div>Í gjár kostaði ein tunna av olju úr Norðsjónum 91 dollarar. Í mars var prísurin fyri eina tunnu 128,4 dollarar.</div><div><br></div><div>Eygleiðarar halda orsøkina til lækkingina vera, at sum liðið er á árið, er trúgvin upp á framtíðina viknað aftur, eftir at fólk um ársskiftið væntaðu framgongd í búskapunum í Europa. Serliga í suðurevropa er búskaparstøðan ring, og tí tora fólk ikki at nýta pening, men velja heldur at spara, tí eisini húsaprísirnir eru falnir nógv, so tøki peningurin hjá fólki er minkaður.</div><div><br></div><div>Samstundis boða bæði Kina og USA frá, at har eru viðurskiftini ikki nøktandi.</div><div><br></div><div>Ein onnur orsøk til, at oljan er komin undir trýst, er, at OPEC nú selur slakar tríggjar milliónir tunnur meiri av olju um dagin, og oljusølan er tilsamans 31 milliónir tunnur um dagin.</div><div><br></div>
