- Tíðindi, mentan og ítróttur
Grikkar tøma bankarnar
<div>Grikkar taka nógvar pengar úr bankunum uppundir tjóðartingsvalið í morgin.</div><div>Grikskir embætismenn siga, at seinastu dagarnar hava fólk tikið fleiri hundrað miljónir evrur úr bankunum, kanska millum 100 og 500 miljónir evrur um dagin.</div><div>Í mai tóku fólk millum 5 og 6 miljardir evrur úr bankunum, og gongdin hevur verið tann sama í juni, siga embætismenninir.</div><div>Bankafólk siga, at síðani kreppan byrjaði í 2009, hava fólk tikið umleið 80 miljardir evrur úr peningastovnunum.</div><div>Tjóðartingsval var í Grikkalandi 6. mai, men tá flokkarnir ikki kundu semjast um at skipa stjórn, gjørdi forsetin av at skriva út nýval, sum verður í morgin.</div><div>Stóri spurningurin í Grikkalandi er, um landið skal gera eftir krøvunum, sum ES og Altjóða valutagrunnurin, IMF, hava sett.</div><div>teir stóru flokkarnir, Nýtt Demokrati, og Pasok, mæla til at gera ftir krøvunum. Ger landið ikki tað, so er vandi fyri at eingir pengar eru, og so má Grikkaland burturúr samstarvinum um evruna.</div><div>Vinstraflokkurin, Syriza, sum gjørdist næststørsti flokkur á valinum í mai, vil ikki gera eftir krøvunum úr útlandinum.</div><div>Seinastu tvey árini hava verið torfør hjá fólkinum í Grikkalandi, tí ein kreppa fyri og onnur eftir hava rakt landið. Arbeiðsloysið hevur sett met, og tað hevur loypt øði á fólk.</div><div><br></div>
