- Tíðindi, mentan og ítróttur
Noyðast at akta boð úr ES á almannaøkinum
<div>Hóast annað hvørt Norðurland ikki er limur í ES, noyðast tey at gera eftir boðum úr ES.</div><div><br></div><div>Tí eru Norðurlond longu nú noydd at gera eina nýggja avtalu um almannaveitingar, hóast verandi avtalan bara er níggju ára gomul.</div><div><br></div><div>Norðurlondini hava gjørt eina nýggja avtalu um almannaveitingar. Hon varð undirskrivað í Bergen. Annika Olsen, landsstýriskvinna í almannamálum, skrivaði undir fyri Føroyar.</div><div><br></div><div>Avtalan tryggjar, at norðurlendingar, sum flyta millum Norðurlond, hava sama rætt til almannaveitingar sum fólkið í tí landinum, tey flyta í. Nýggja avtalan kemur fyri avtaluna frá 2003, sum hevur verið galdandi í Føroyum síðani 2005. Orsøkin til, at norðurlendsku londini nú hava gjørt eina nýggja avtalu, eru nýggjar ES-reglur á almannaøkinum. </div><div><br></div><div>Avtalan skal staðfestast í Norðurlondunum, áðrenn hon verður sett í gildi. Avtalan verður løgd fyri løgtingið komandi vár, upplýsir Almannamálaráðið.</div><div><br></div>
