- Tíðindi, mentan og ítróttur
Hevur kært um fyrisitingina av makrelinum
<div>Landsstýrismálanevndin hjá løgtinginum hevur fingið eina kæru um heimildarloysi og ólógligar avgerðir í fyrisitingini av makrelfiskiskapinum í 2012. </div><div><br></div><div>Høgni Hoydal, løgtingsmaður, hevur kært.</div><div><br></div><div>Hann kærir um yvirskipaðu fyrisitingarligu avgerðirnar hjá landsstýrismanninum í fiskivinnumálum og hjá løgmanni í makrelmálinum, um kunngerðina um makrelfiskiskap, sum kom í gildi seinasta leygardag, og um vantandi eftirlit løgmans við, at landsstýrismenn fyrisita á lógligan og fullgóðan hátt sambært stýrisskipanarlógini.</div><div><br></div><div><b>Gera niðurstøðu um avgerðirnar</b></div><div><br></div><div>Høgni Hoydal heitir á Landsstýrismálanevndina um at nýta allar heimildir sínar at fáa til vegar frágreiðingar og upplýsingar og gera niðurstøður um fyrisitingarligu avgerðirnar hjá løgmanni og landsstýrismanninum í fiskivinnumálinum um at fyrisita makrelfiskiskapin í 2012. </div><div><br></div><div>Høgni Hoydal vil hava nevndina at kanna, um fyrisitingin er farin fram í heimildarloysi, og um ólógligar avgerðir eru tiknar. </div><div><br></div><div>Hann vil eisini hava at vita, um Jacob Vestergaard og Kaj Leo Holm Johannesen hava sett til viks skyldur og ábyrgdir, sum stýrisskipanarlógin og nógvar aðrar lógir áleggja teimum. </div><div><br></div><div>Landsstýrismálanevndin hevur sett kæruna á dagsskránna fyri fundin hjá nevndini týsdagin.</div><div><br></div><div><br></div>
