- Tíðindi, mentan og ítróttur
Gera royndir við sjóvarfalsorku
<div>Okkurt bendir á, at ítøkiligar ætlanir eru nú við sjóvarfalsorku í Føroyum.</div><div><br></div><div>Umhvørvisstovan boðar í dag frá, at hon hevur givið smápartafelagnum "Atlants-mylluni" loyvi til eina royndarverkætlan við sjóvarfalsorku í Vestmannasundi.</div><div><br></div><div>Ætlanin er at leggja út eina turbinu, sum vinnur orku burtur úr sjóvarfallinum í Vestmannasundi. Talan er um at geva undantak frá kravinum í havumhvørvislógini og elveitingarlógini um umhvørvisárinsmeting í sambandi við royndarverkætlanina.</div><div><br></div><div>Umhvørvisstovan metir, at ávirkanin á náttúru og umhvørvið er sera avmarkað. Orkuverkið verður undir vatnskorpuni, og tí verða eingir sjónligir ampar av tí. Verkætlanin er tíðaravmarkað til eitt ár, verður upplýst í tíðindaskrivi frá Umhvørvisstovuni</div><div><br></div>
