Byggiloyvið verður avgreitt í summar

Byggiloyvið til Skúladepilin í Marknagili er farið til endaliga viðgerð í ymsu nevndunum í Tórshavnar býráð

Tórshavnar kommuna ætlar at avgreiða byggiloyvið til Marknagilsdepilin, áðrenn freistin at bjóða upp á arbeiðið er úti í august.

Sigmar Bláberg

Johnsigurd Johannesen

13.06.2012 - 16:19

<div>Byggiloyvið til Marknagilsdepilin verður greitt, áðrenn tilboðini at byggja skúlan skulu vera inni í august.</div><div><br></div><div>Tórshavnar kommuna er liðug at viðgera umsóknina, og málið er nú farið til endaliga nevndarviðgerð í ymsu nevndunum hjá býráðnum. </div><div><br></div><div>Málið var fyri í byggi- og býarskipanarnevndini í gjárkvøldið, har samtykt varð at játta byggiloyvið, tá øll viðurskifti og treytir frá øðrum myndugleikum eru endaliga greið, sigur Heðin Mortensen, borgarstjóri.</div><div><br></div><div>Byggiloyvið skal viðgerast í teknisku nevnd, brunanevndini, mentamálanevndini og í fíggjarnevndini.</div><div><br></div><div>Býráðið hevur í longri tíð arbeitt við fyrireikingum av økinum til Skúladepilin. Ein serstøk byggisamtykt varð gjørd fyri økið, sum varð góðkend í Innlendismálaráðnum í juli í fjør.</div><div> </div><div>- Mett verður, at kommunan fer at gera íløgur fyri einar 15 til 20 mió kr. í sambandi við byggibúningina av Marknagilsøkinum, har Skúladepilin verður bygdur liggja, sigur Heðin Mortensen, borgarstjóri.</div><div><br></div><div><br></div><div><br></div><div><br></div>