- Tíðindi, mentan og ítróttur
Gomlu tryggingarnar fáa frið
<div>Teir tryggingartakarar, sum teknaðu trygging hjá Lív fyri aldarskiftið, hava ikki fingið tilboð um at leggja tryggingina við gomlu, føstu rentuni um til trygging við marknaðarrentu.</div><div><br></div><div>Orsøkin er, at tryggingarnar, sum vórðu teknaðar fyri aldarskiftið, snøgt sagt eru so góðar, at tað loysir seg ikki at leggja um, sum er.</div><div><br></div><div>Tað viðgongur Poul Christoffur Thomassen, stjóri í Lív.</div><div><br></div><div>Tey, ið teknaðu trygging hjá Lív eftir aldarskiftið, hava annars fingið tilboð við postinum um at leggja tryggingina við føstu rentuni um til eina marknaðarrentu hjá Lív. Tær nýggju tryggingarnar geva 2,5 prosent í fastari rentu.</div><div><br></div><div><b>4,5 prosent</b></div><div><br></div><div>Gomlu tryggingarnar geva hinvegin 4,5 prosent, og harumframt veðheldur at landskassin fyri teimum.</div><div><br></div><div>Gomlu tryggingarnar eru sostatt so góðar, at tær í løtuni eru ein vánalig forrætning fyri bæði Lív, sum hevði meiri enn 300 milliónir krónur í halli í fjør, og landskassan, sum við árslok veðhelt fyri 1,2 milliardir krónur.</div><div><br></div><div>Men Lív ætlar at snikka eitt nýtt tilboð til tey, sum annars hava notið væl av gomlu tryggingunum fyri aldarskiftið, sigur Poul Christoffur Thomassen.</div><div> </div><div><b>Meiri verður at frætta í útvarpstíðindunum.</b></div><div><br></div>
