- Tíðindi, mentan og ítróttur
Fámará aftur lýst til sølu
<div>Um tvær vikur, mánadagin 25.juni á middegi, verður seinasta freist at bjóða upp á festið í Fámará.</div><div><br></div><div>Hægsta boð higartil er 100.000 kr.</div><div><br></div><div>Í hesari vikuni verður festið í Fámará í Suðuroynni lýst til sølu eina ferð afturat, men hesa ferð við einari stuttari freist at koma við tilboði, og síðani verður festið selt.</div><div><br></div><div>Bjørn Patursson, stjóri á Búnaðarstovuni, sigur, at nakrir fyrispurningar eru um festið, síðani tað varð lýst til sølu fyri einum mánaði síðani. Sambært advokatvirkinum, sum stendur fyri søluni, hava nógv spurt, men bara tvey boð eru komin higartil. Hægra boðið er 100.000 kr.</div><div><br></div><div><b>Bara uppisitara</b></div><div><br></div><div>Festið í Fámará hevur ikki havt festara í nógv ár, men bara uppsitara, sum ansaði eftir bygningum og øðrum, sum hoyrir til festið.</div><div><br></div><div>Festið verður nú selt tí, sum hevur hægsta boð, tá freistin at bjóða er farin um tvær vikur. Fámará er fýra merkur, níggju gyllin og tíggju og triðings skinn.</div><div>Festarin skal hava í minsta lagi tvey ára royndir frá arbeiði í landbúnaði umframt í minsta lagi hálvt ár á landbúnaðarskúla ella góðkent kvøldskúlaskeið í landbúnaði. Festarin skal hava fastan bústað í Suðuroynni. </div><div><br></div><div>Festið í Fámará ber 147 áseyðir. </div><div><br></div>
