Grannskoðarar í eitt felag

Løggildir og skrásettir grannskoðarar hava stovnað felagið Føroyskir Grannskoðarar

Bæði løggildir og skrásettir grannskoðarar eru í limir í sama felag, Føroyskir Grannskoðarar.

11.06.2012 - 09:42

<div>Allir føroyskir grannskoðarar eru nú savnaðir í einum felag. </div><div><br></div><div>Felagið hjá løggildu grannskoðarunum og felagið hjá skrásettu grannskoðarunum vórðu løgd saman fríggjadagin. Felagið eitur: Felagið Føroyskir Grannskoðarar.</div><div><br></div><div>Endamálið  er at verja áhugamálini hjá limunum í øllum viðurskiftum.</div><div><br></div><div>Nevndirnar hava í eina tíð arbeitt við at leggja feløgini saman, fyri á tann hátt at fáa eitt breiðari felag, sum er betur ført fyri bæði at verja og at stimbra limir felagsins. Eisini fyri at kunnu vera ein effektivari við- og mótspælari hjá almennu myndugleikunum, tá talan er um lógir og lógarbroytingar, sum á ein ella annan hátt hava ávirkan á grannskoðaravinnuna ella vinnuna sum heild.</div><div><br></div><div>Á stovnandi aðalfundinum, sum varð hildin á Hotel Tórshavn, vórðu flest allir góðkendu grannskoðararnir í Føroyum - bæði løggildir og skrásettir, sigur felagið í tíðindaskrivi.</div><div><br></div><div>Fýra fólk manna nevndina í felagnum Føroyskir Grannskoðarar. Jógvan Amonsson er formaður, Mark Højgaard, næstformaður, Mirjam Haraldsen, peningarøkil og Óla Frits Joensen er skrivari.</div><div><br></div>