So er makrelurin býttur

Jacob Vestergaard, landsstýrismaður, hevur lýst kunngerðina um makrelfiskiskapin í summar. Hon kemur í gildi í morgin

Kunngerðin um makrelfiskiskapin í summar kemur í gildi í morgin.

08.06.2012 - 16:47

<div>Felagskvotur við hámarki, í onkrum førum 10 prosent, skulu forða fyri olympiskum fiskaríi í ár.</div><div><br></div><div>Nótaskipini sleppa at goyma 10 prosent av sínum kvotum til næsta ár. Men tey kunnu eisini fiska 10 prosent meira í ár og so fáa tað minni næsta ár.</div><div><br></div><div>Jacob Vestergaard, landsstýrismaður, hevur lýst kunngerðina um makrelfiskiskapin í summar. </div><div><br></div><div><b>Nótaskipini eginkvotu</b></div><div><br></div><div>Makrelkvotan í ár er 134.075 tons. Og harafturat eru 6.075 tons, sum ikki vórðu fiskað í fjør, flutt til í ár.</div><div><br></div><div>Nótaskipini fáa 55.000 tons. Nótaskipini hava egnar kvotur. Øll hini, uttan trolbátarnir, hava felagskvotur við hámarki. Hámarkið verður tað sama fyri øll í bólkinum.  </div><div><br></div><div>Í uppskotinum um kunngerðina vóru línuskipini og útróðrarbátarnir saman um 8.000 tons. Í kunngerðini, sum er lýst í dag og kemur í gildi í morgin, fáa línuskipini 5.000 tons. Kvotan er felagskvota, men einki skip kann tó fiska meira enn 500 tons.</div><div><br></div><div>Útróðrarbátar, garnaskip og tey, sum royna eftir skeljum, fáa eina felagskvotu upp á 3.000 tons at býta, men eingin kann tó fiska meira enn 300 tons.</div><div><br></div><div><b>Flakatrolarar 4.000 tons</b></div><div><br></div><div>Annars fáa trolararnir, sum royna í Barentshavinum, 4.000 tons, ídnaðarskip fáa 9.000 tons, trolarar, sum millum annað ikki sleppa í føroyskan sjógv, fáa 6.000 tons, rækjuskipini fáa 8.000 tons, ísfiskatrolarar fáa 30.000 tons og trolbátar 2.000 tons.</div><div><br></div><div>Freistin at søkja um loyvi at fiska makrel er 18.juni. </div><div><br></div><div><b>Meiri verður at frætta í útvarpstíðindunum.</b></div><div><br></div>