Oljublettur á Kollafirði

Á middegi í gjár sóu fólk olju á Kollafirði. 

Sambært politinum er illgruni um, hvaðani oljan kemur, men illgrunin er ikki staðfestur enn. Tað verður hann kanska í dag. Tvey skip lógu í Kollafirði í gjár, ein russiskur trolari, sum hevur ligið har mannleysur í nøkur ár, tí eingin í Russlandi vil kennast við hann, og eitt føroyskt línuskip.

Brimil tekur royndir

Brimil kom á Kollafjørð í nátt, og royndir skuldu takast av oljuni á sjónum. 

Sløkkiliðið í Havn legði tvær byrgingar á Kollafirði í gjár, aðra við bryggjuna í Kollafirði, og hina við ferjuleguna á Oyrareingjum.