Fara at bora í 131 dagar

Umhvørvisstovan hevur givið Statoil loyvi at nýta og beina burtur kemikalium, sum verða nýtt í sambandi við boringina

Boripallurin COSL Pioneer verður nýttur til leitiboringina undir Føroyum í summar.

07.06.2012 - 16:27

<p>Statoil fer at nýta boripallin COSL Pioneer til leitiboringina í Brugdan 2- brunninum í summar. </p><div><br></div><div>Boringin byrjar um hálvan juni og verður mett at taka í mesta lagi 131 samdøgur. Tá er tíðin, sum tað tekur at flyta boripallin á staðið, at bora og læsa brunnin og flyta pallin, íroknað.</div><div><br></div><div>Umhvørvisstovan hevur givið Statoil loyvi at nýta og at beina burtur kemikalium, ið verða nýtt í sambandi við boringina.  Umhvørvisstovan hevur lagt dent á, at kemikaliini ikki verða seint brotin niður í náttúruni, ikki hópast upp í livandi verum, og at tey ikki eru eitandi. </div><div><br></div><div><br></div>