Tveir nýggir nevndarlimir í arbeiðsgevarafelagnum

Bergur Poulsen heldur fram sum formaður í Arbeiðsgevarafelagnum.

Á aðalfundinum 28. mai vórðu Bergur Poulsen og Kristoffur Laksá afturvaldir. Bogi Jacobsen, stjóri á Varðanum Pelagic, og Fróði Magnussen, stjóri á Formula, vórðu nývaldir fyri Magna Arge og Jóhonnu á Bergi, sum ikki tóku við vali.

Hini í nevndini eru Høgni Hansen, Jón Sigurðsson og Atli Gregersen. Nevndin skipaði seg við Bergi Poulsen sum formanni og Høgna Hansen sum næstformanni.