46 fleiri persónbilar í ár

46 persónbilar fleiri eru innfluttir higartil í ár sammett við í fjør. 

637 persónbilar eru innfluttir  í ár. Fyrstu fimm mánaðirnar í fjør vórðu 591 nýggir bilar innfluttir. Hagtølini vísa eisini, at í síðsta mánað eru 197 persónbilar innfluttir, sammett við 163 í mai í fjør.

Fleiri vøruvognar

Talið av vøruvognum er eisini vaksið. Higartil í ár eru innfluttir 86 vøruvognar, sammett við 77 sama tíðarskeið í fjør. 

Og til tykkara, sum dámar væl at vitja pylsuvognar, so vísa hagtølini tíverri, at eingin pylsuvognur er innfluttur í ár, men í fjør kom ein pylsuvognur til landið.