- Tíðindi, mentan og ítróttur
Landsstýrismálanevndin vil hava fleiri upplýsingar
<div>Høgni Hoydal kærdi til landsstýrismálanevndina, at Kaj Leo Holm Johannesen, løgmaður ikki kunnaði uttanlandsnevndina, áðrenn hann fór undir samráðingar við donsku stjórnina um at hækka blokkstuðulin, og gjørdi av at steingja sendistovuna í London og flyta virksemið til Bruxelles.</div><div><br></div><div>Landsstýrismálanevndin umrøddi kæruna á fundi í dag, men kom ikki á mál við viðgerðini, sigur Sirið Stenberg, forkvinna.</div><div><br></div><div>Landsstýrismálanevndin vil hava nærri upplýsingar og greiningar, áðrenn hon kann taka endaliga støðu. Tí kemur kæran fyri aftur á fundi í landsstýrismálanevndini, sum verður 19. juni.</div><div><br></div><div><b>Prísjavna skattastigan</b></div><div><br></div><div>Hin kæran snýr seg um ætlanina hjá Jørgen Niclasen, landsstýrismanni í fíggjarmálum, sum í kunngerð ætlaði at sleppa at prístalsviðgera skattastigan.</div><div><br></div><div>Tað mettu tingfólkini, Kristina Háfoss, Eyðgunn Samuelsen, Helena Dam á Neystabø og Poul Michelsen, verða brot á stýrisskipanarlógina, tí skattur kann bert ásetast við lóg.</div><div><br></div><div>Tey kærdu tí málið til landsstýrismálanevndina. Málið kom ikki aftur úr nevnd, tí ivi varð sáddur um tað.</div><div><br></div><div>Kaj Leo Holm Johannesen, løgmaður, hevur boðað frá, at hann fer at kanna, um ætlanin hjá landsstýrismanninum í fíggjarmálum er í stríð við stýrisskipanarlógina. Tann kanningin verður ikki liðug fyrr enn hálvan juli.</div><div><br></div><div>Tí hevur Landsstýrismálanevndin gjørt av, at útseta viðgerðina av málinum, fyri at vita hvussu leikur fer. Men málið er ikki slept, sigur Sirið Stenberg, forkvinna í landsstýrismálanevndini.</div><div><br></div><div><br></div><div><br></div>
