Føroyar komnar í EM-endaspæl

Flogbóltslandsliðini hjá monnnum og kvinnum hava spælt seg víðari til endaumfarið í EM-kapping fyri smátjóðir.

Menninir vunnu í dag 3-0 á Norðurírlandi í EM-undankappingardysti í Kýpros.

Tó var neyðugt við hjálp frá Kýpros í dag, sum skuldi vinna 3-0 ella 3-1 á Andorra.

Føroyar fingu hjálp frá Kýpros, sum vann dystin 3-0.

Úrslitið hevur við sær, at Føroyar hava spælt seg í EM-endaspælið fyri smátjóðir, sum verður í luksemburg í næsta ár.

Kvinnurnar hava vunnið báðar dystirnar

Kvinnurnar vunnu aftur í dag. Hesaferð var mótstøðuliðið Ísland. Føroyar vunnu sannførandi 3-0 sigur.

Í gjár vunnu Føroyar 3-1 á Luksemburg.

Hóast ein dystur er eftir í bólkaspælinum, so er longu greitt, at teir báðir sigrarnir eru nokk til at tryggja føroyum pláss í EM-endaspælinum fyri smátjóðir, sum verður í Liktenstein í næsta ár.

Síðsti dysturin hjá Føroyum verður í morgin. Dysturin er ímóti Liktenstein.