Søkja eftir stjóra til báðar tunlarnar

Søkt verður nú eftir stjóra til partafelagið Eystur- og Sandoyartunlar.

Stjórin skal hava tilvísing til nevndina, standa á odda fyri báðum verkætlanunum, og skal saman við nevndini fremja verkætlanirnar á tryggum fíggjarligum grundarlagi. 

Í lýsingini stendur, at tú hevur fyrimun, um tú hevur gott innlit í fíggjarviðurskifti og kunnleika til byggivinnu. Tað er eisini umráðandi, at tann, sum verður settur, hevur leiðsluroyndir og hevur útbúgving á hóskandi stigi. 

Lønt verður sambært avtalu,

Freistin at søkja starvið sum stjóri í Eysturoyar- og Sandoyartunlum er 8. august klokkan 16.30.