- Tíðindi, mentan og ítróttur
21 sáttmálar eftir at gera
<div>Lønardeildin hjá Fíggjarmálaráðnum hevur framvegis 21 sáttmálar og fimm avtalur eftir at gera við fakfeløg fyri sáttmálarnar, sum fóru úr gildi fyri meira enn átta mánaðum síðani.</div><div><br></div><div>Í gjár skrivaðu sjúkrarøktarfrøðingarnir og Lønardeildin undir tvey ára sáttmála, sum er galdandi til 1.oktober 2013.</div><div><br></div><div>Lønardeildin hevur 28 sáttmálar við fakfeløg. Higartil eru nýggir sáttmálar gjørdir við sjey feløg.</div><div><br></div><div>Harafturat hevur Lønardeildin sjey tænastumannaavtalur. Tvær avtalur við tænastumannafeløg eru endurnýggjaður og fimm eru eftir.</div><div><br></div><div>Lønardeildin heldur fast um, at onnur feløg fáa ikki meira enn 220 kr. um mánaðin í lønarhækking. Tað var tað, sum tey fyrstu feløgini fingu, ið gjørdu sáttmála fyrr í ár.</div><div><br></div><div>Størsta fakfelagið á almenna arbeiðsmarknaðinum, Starvsmannafelagið, hevur sagt upp sínar sáttmálar við Fíggjarmálaráðið og Kommunala arbeiðsgevarafelagið at fara úr gildi 1.oktober í ár. </div><div><br></div>
