ES sagt svartkjaftaavtaluna upp

ES sagt svartkjaftaavtaluna upp
ES-londini krevja at fáa størri part, og tí verða samráðingarnar torførar. Nótaskip fegnast um, at sildatrætan er loyst
 
16.06.2014 - 08:00

ES hevur sagt upp verandi avtalu um býtið av svartkjaftakvotuni við kravi um størri part. Tí verða næstu samráðingarnar um svartkjaft torførar.

Tað sigur Felagið Nótaskip. 

Makrelkvotan er meira verd enn tey prosentini, sum eru komin afturat, sigur felagið eisini.  Tí nú sleppa føroyingar at fiska ein stóran part í norskum sjógvi og í ES-sjógvi. Meira fæst fyri tann makrelin enn fyri makrel, sum er fiskaður í føroyskum sjógvi.  Føroyska makrelkvotan er 12,6 prosent tey næstu fimm árini.

Felagið Nótaskip fegnast um, at Føroyar aftur kunnu selja sild og makrel á øllum marknaðunum, tí ES gevst við sínum handilsforðingum móti Føroyum. Avtalan við ES um norðhavssildina er eitt gott samráðingarúrslit, halda Nótaskip.

Stovnurin illa fyri

Sildastovnurin er illa fyri í løtuni, tí tilgongdin hevur verið lítil í nógv ár.  Í 2009 var heildarkvotan hjá strandalondunum 1,6 milliónir tons. Síðani er kvotan støðugt minkað, og í ár er hon bara 419.000 tons.

Tað nyttar ikki bara at hyggja eftir prosentum, tí í 2009 var føroyska sildakvotan eftir tí gamla býtinum 85.000 tons. Sambært gamla býtinum eiga Føroyar 5,16 prosent av heildarkvotuni.

Avtalan við ES um 2014 gevur Føroyum 9,56 prosent, 40.000 tons. Hetta er tó bara galdandi í ár.  Stjórnirnar í hinum londunum hava enn ikki sagt nakað um avtaluna millum Føroyar og ES. Í heyst fara strandarlondini at samráðast um nýggjan býtislykil. 

Er kopiera
Nýggjastu sendingar í ÚV
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565