Johan Dahl krevur bíligari ferðaseðlar

Dagin fyri stóra framløgudagin hjá Atlantic Airways gjørdi eigari felagsins enn eina ferð vart við, at felagið eigur at lækka prísirnar.

Í røðu sínari í gjár, tá nýggja farstøðin hjá Vága floghavn varð tikin í brúk, segði Johan Dahl, landsstýrismaður í vinnumálum, at tað er ein greið væntan, at nýggju umstøðurnar hjá flúgving upp á Føroyar í seinasta enda skulu bera í sær bíligari flogferðir til føroyingar og føroyskar fyritøkur.

Varð kunnaður mánadagin

Johan Dahl segði, at bíligari flogferðir hava nógv størri týdning enn tey flestu geva sær far um.  Johan Dahl fekk seinnapartin mánadagin kunning um nýggju strategiina hjá føroyska flogfelagnum. 

Hann avdúkaði kortini einki um hana í røðu sínari seinnapartin í gjár, týsdagin, heldur ikki, um bíligari ferðaseðlar eru við í ætlanunum.   

Í dag klokkan hálvgum eitt fer Atlantic Airways at almannakunngera, hvussu framtíð felagsins verður skipað.