- Tíðindi, mentan og ítróttur
Danir eiga at rinda meiri til felagsmálini
<p>Tá samráðingar verða aftur í heyst um heildarveitingina úr ríkiskassanum, eiga Danmark og Føroyar at semjast um eina rímiligari skipan at loysa felags uppgávur.</p><div><br></div><div>Tað segði Edmund Joensen, fólkatingsmaður, tá endaorðaskifti var á Christiansborg í gjár, nú fólkatingsárið fer at halla.</div><div><br></div><div>Edmund Joensen segði, at tað at heildarveitingin er lækkað, og hevur verið læst føst seinastu 10 árini, hevur havt við sær, at Føroyar rinda ein størri part av útreiðslunum til felagsmál, hóast tey ikki eru yvirtikin. Útreiðslurnar til felagsmálini hava annars verið býttar javnt millum ríkiskassan og føroyska landskassan.</div><div><br></div><div>Hann vísti á, at í 2002 rindaði føroyski landskassin 49 prosent av útreiðslunum til heilsumál, men nú ber landskassin 63 prosent av kostnaðinum.</div><div><br></div><div>Edmund Joensen segði, at stjórnin hevur skyldu at gera eina avtalu við landsstýrið, sum býtir útreiðslurnar til felagsmálini javnari.</div><div><br></div><div>- Fyri 10 árum síðani lurtaði stjórnin eftir fullveldislandsstýrinum um at skerja heildarveitingina og at fastfrysta hana. Nú, 10 ár seinni, vil stjórnin ikki lurta eftir einum øðrum ynski frá einum nýggjum landsstýri, sum rekur annan politikk. Tað er óskiljandi, segði Edmund Joensen í røðu síni í fólkatinginum í gjár.</div><div><br></div><div> </div><div><br></div><div><br></div><div><br></div>
