- Tíðindi, mentan og ítróttur
Marknagilsdepilin higartil kostað 42 mió. kr.
<div>Higartil eru 42 milliónir krónur brúktar upp á Marknagilsdepilin.</div><div><br></div><div>Tað upplýsir Bjørn Kalsø, landsstýrismaður í mentamálum, í svari til Høgna Hoydal, formann í Tjóðveldi.</div><div><br></div><div>Í fyrispurningi vildi Høgni Hoydal vita, hvussu nógvur peningur higartil er brúktur í sambandi við Marknagilsdepilin, og hvussu stórur partur av peninginum er goldin til føroyskar fyritøkur.</div><div><br></div><div>Sambært landsstýrismanninum í mentamálum eru higartil brúktar umleið 42 milliónir kr. til projektering og útbjóðingartilfar. </div><div><br></div><div>Av hesum eru slakar 38 milliónir fasti prísurin, sum varð avtalaður við heildarráðgevan, Bjarke Ingels Group Aps, fyri projekt, útbjóðingartilfar og projektuppfylging.</div><div><br></div><div>Landsstýrismaðurin veit tó ikki at siga, hvussu stórur partur av hesi upphæddini verður avroknaður við tær fimm føroysku fyritøkurnar, sum eru við í ráðgevaratoyminum.</div><div><br></div><div><br></div><div>Verklagslógin fyri Marknagil, sum er frá 2008, ásetir, at skúladepilin kann kosta í mesta lagi 391 milliónir kr. Harafturat skulu brúkast 60 milliónir til innbúgv og aðra útgerð, ella tilsamans 451 milliónir kr.</div><div><br></div>
