Vinnan mælir til óbroytt dagatal

Fiskidaganevndin mælir til, at fiskidagatalið í nýggja fiskiárinum verður óbroytt.

Nevndin vísir á, at síðani fiskidagaskipanin varð sett í verk í 1996, eru fiskidagarnir lækkaðir 55 prosent, úr 49.585 fiskidøgum í 1996/1997 niður í 22.153 fiskidagar fiskiárið 2013/2014.

Í 2000 vóru útskrivað loyvi til 150 skip, men í ár vórðu útskrivað loyvi til 86 skip

Harumframt er nógv friðingartiltøk sett í verk. Í 1990 vórðu umleið 10 prosent av landgrunninum friðað fyri fiskiskap partar av árinum ella alt árið, men nú fevna hesar friðingar um 50 prosent av landgrunninum 

Limirnir í Fiskidaganevndini umboða vinnuna, Meginfelag Útróðrarmanna og Fiskimannafelagið.

Sí tilmæli her: Tilmæli frá Fiskidaganevndini