- Tíðindi, mentan og ítróttur
Víkingur og EB/Streymur í finaluni
<p>Tað gjørdist í báðum hálvfinalunum munandi meira spennandi enn tey flestu høvdu væntað. Í Vági skuldi FC Suðuroy, við nýggjum venjaratoymi, royna at venda 0-1 tapið frá fyrru hálvfinaluni.</p><div>FC Suðuroyliðið sum tapti 0-6 fyri ÍF var ikki til at kenna aftur. Teir stríddust væl og álopsspælið var av tí besta, sum liðið hevur víst í ár. Og tá tveir minuttir vóru farnir av seinna hálvleiki gav tað úrslit. Palli Augustinussen spældi Jón Krosslá Poulsen frían, og hann var skoraði trygt. Og so var púra javnt.</div><div>Víkingur svaraði aftur tá hálvur tími var eftir av dystinum. Útjavnandi málið skeyt Lasse Qvist.</div><div>Tað bleiv tó FC Suðuroy sum vann hesa seinnu hálvfinaluna. Tá tríggir minuttir vóru eftir av vanligu leiktíðini skoraði Palli Augustinussen, og so var mguleikin har.</div><div><br></div><div>FC Suðuroy sendi nógv fólk fram fyri at fáa avgerandi málið, men hóast teir vóru tætt við, so eydnaðist tað ikki. Samlaða úrslitið gjørdist 2-2, men tað er Víkingur sum er í finaluni, tí teir hava skotið eitt mál á útivølli.</div><div><br></div><div>Í Havn skuldi HB royna at gera tað ómøguliga, og tað var líka við, at tað eydnaðist. HB skuldi í Gundadali venda einum 1-4 tapið frá fyrru hálvfinaluni.</div><div><br></div><div>HB fekk eina flúgvandi byrjan og tá bríkslað var til hálvleik vóru teir á odda 2-0. Fyrra málið var sjálvmál, meðan Símun Samuelsen skeyt tað seinna. Tá eitt korter var farið av seinna hálvleiki skoraði Rógvi Holm til 3-0 fyri HB, og so var tað brádliga HB sum var í finaluni. Men so vísti EB/Streymur klassa, og at tað ikki er av tilvild, at teir í so mong ár eru komnir í finaluna um Løgmanssteypið.</div><div><br></div><div>Næstu seks minuttirnar skutu teir tvey mál. Fyrst skoraði Soren Anghel og løtu seinni minkaði Levi Hansen til 3-2. Nú var støðan samanlagt 6-4 til EB/Streym, og tí tóktist alt avgjørt. HB-verjan var enn einaferð ivasom í sínum avriki í samband við bæði málini. </div><div><br></div><div>Seinastu tíggju minuttirnar skoraði HB tvær ferðir. Fyrst Hallur Hansson og so Fróði Benjaminsen. Nú var støðan samanlagt 6-6 og tveir minuttir eftir. HB kom til ein vandamiklan deyðbólt beint áðrenn dómarin floytaði av, uttan at nakað spurdist burturúr.</div><div><br></div><div>Dysturin endaði 5-2 til HB. Samanlagt 6-6 og tí er EB/Streymur í finaluni við flest málum skotnum á útivølli.</div><div><br></div><div>Hetta er sjeynda árið á rað, at EB/Streymur er í finaluni um Løgmanssteypið. Seinast Víkingur og EB/Streymur møttust í finaluni var í 2009, tá vann Víkingur 3-2.</div><div>Finalan um Løgmanssteypið 2012 verður spæld á Tórsvølli 25.august</div><div><br></div>
