- Tíðindi, mentan og ítróttur
Tekur tíð at útvega meiri pening til flogvøllin
<div>Tað er ikki bara ein avgreiðsluspurningur at taka 28 milliónir krónur afturat úr Íleggingargrunninum til flogvøllin í Vágum. Málið krevur at verða gjølla lýst, sigur Jesper Damm Olsen, tíðindaovasti í danska flutningsmálaráðnum.</div><div><br></div><div>Hvussu langa tíð, hetta fer at taka, dugir hann ikki at siga, men málið verður nú kannað, sigur Jesper Damm Olsen. Annars hevur flutningsmálaráðið ongar viðmerkingar um málið í løtuni.</div><div><br></div><div>Fyri tveimum vikum síðani hitti Johan Dahl, landsstýrismaður í vinnumálum, Henrik Dam Christensen, flutningsmálaráðharra. Johan Dahl bað um pengar til at beina burtur gamla spreingievnið við flogvøllin. </div><div><br></div><div>Uppskotið var at taka pengarnar, 28 milliónir, úr Íleggingargrunninum. 365 milliónir eru longu tiknar úr grunninum til at útbyggja flogvøllin.</div><div><br></div><div>Johan Dahl boðaði dønum frá, at málið hevur skund. </div><div><br></div><div> Skulu fleiri pengar takast úr Íleggingargrunninum til flogvøllin í Vágum, skal danska stjórnin leggja eina lógarbroyting fyri fólkatingið fyrst. </div><div><br></div>
