Depilin til fjølbrekað liðugur í heyst

Arbeiðið at byggja depil til fjølbrekað børn og ung í Runavík gongur væl, og eftir ætlan verður depilin liðugur síðst í oktober, skrivar Landsverk.

Á deplinum verða bæði dag- og umlættingartilboð. Ætlanin er at samskipa allar tænasturnar á einum staði, soleiðis at tilboðini, sum í dag eru pettað sundur, í framtíðini verða eitt samanhangandi heildartilboð til børn og ung við fjølbreki.

Landsverk er byggiharri, og høvuðsarbeiðstakari Byggivirkið KBH. 

Í løtuni verður bygningurin bjálvaður og klæddur, og hurðar og vindeyga verða sett í.

Nýggi depilin verður latin byggiharranum 30. oktober.