- Tíðindi, mentan og ítróttur
FAS-skip rindaðu 418 mió. kr. í hýru
<p>Í fjør vórðu goldnar 418 milliónir krónur í hýrum til føroysk og útlendsk sjófólk við skipum, sum eru skrásett í Føroysku Altjóða Skrásetingini, FAS.</p><div><br></div><div>Tað upplýsir Sjóvinnustýrið í ársfrágreiðing síni fyri 2011.</div><div><br></div><div>Goldnar vórðu 245,5 milliónir krónur í lønum til føroysk sjófólk við FAS-skipum og til FAS-avleitt virksemi á landi. </div><div><br></div><div><b>35 prosent í skatti</b></div><div><br></div><div>Øll sjófólk við FAS-skipum rinda 35 prosent í inntøkuskatti. Harafturat skulu sjófólk, búsitandi í Føroyum, gjalda fult arbeiðsmarknaðargjald, 3,4 prosent, til ALS, Barsilsskipanina og Samhaldsfasta. Arbeiðsgevararnir rinda eisini 3,4 prosent. Hinvegin rinda útlendingar við FAS-skipum ikki arbeiðsmarknaðargjald í Føroyum.</div><div><br></div><div>Skatturin, sum sjófólkini gjalda, verður rindaður aftur til reiðaran. Tí liggur eingin beinleiðis skattur eftir í landskassanum, men arbeiðsmarknaðargjøldini verða ikki endurrindað.</div><div><br></div><div>Í fjør fekk Taks góðar 29 milliónir krónur í skatti frá avleiddum virksemi frá FAS á landi, meðan ALS, Barsilsskipanin og Samhaldfasti fingu tilsamans slakar 17 milliónir kr. frá avleiddum virksemi á landi og føroyskum sjófólki í FAS.</div><div><br></div><div> Harafturat fekk Sjóvinnustýrið góðar tríggjar milliónir kr. í inntøku frá FAS, tí skipini skulu gjalda eitt ávíst ársgjald, sum verður ásett eftir stødd og aldri á skipinum. </div><div><br></div><div><b>28 mill. kr. í ferðaseðlum</b></div><div><br></div><div>Atlantsflog hevur hvønn mánað 3-4 leigutúrar, tá FAS-skipini skifta manning. Afturat hesum eru eini 500 sjófólk, sum sigla við øðrum FAS-skipum, og sum skulu flytast til og úr Føroyum fjórðu ella sættu hvørja viku. </div><div><br></div><div>Harumframt fær Atlantsflog inntøkur frá nógvari ferðing hjá reiðaríunum. Sjóvinnustýrið metir, at inntøkan frá flogferðaseðlum, sum hava samband við FAS, er 28 milliónir kr. </div>
