- Tíðindi, mentan og ítróttur
SEV undrast á Johan Dahl
<div>Tað undrar SEV, at Vinnumálaráðið skundar sær so nógv at broyta elveitingarlógina, so treytin um, at vindorkan skal bjóðast út hvørja ferð, verður strikað.</div><div><br></div><div>Ikki minst, tá eingin ítøkilig orsøk sigst vera fyri hesum bráðskundi. Og nú Vinnumálaráðið, kommunurnar og SEV annars í felag eru í ferð við at leggja til rættis ein leist fyri einari heildarætlan fyri elorkuøkið í Føroyum. </div><div> </div><div>Tað er lítið álitisvekjandi fyri felags arbeiðið, um Vinnumálaráðið ikki hevur tíð at bíða eftir, hvørjar niðurstøðurnar av hesum felags arbeiðinum verða, sigur SEV.</div><div><br></div><div>Tað er stórt spell, um hesin framferðarháttur er við til máa støðið undan arbeiðinum, longu áðrenn sjøtul rættiliga er settur á, sigur SEV. SEV roynir kortini at tryggja sær ávirkan í ætlaðu lógarbroytingini um vindorkuna.</div><div><br></div><div><b>Ráðføra seg hjá SEV</b></div><div><br></div><div>SEV vil hava við í lógina, at landsstýrismaðurin skal ráðføra seg við SEV, áðrenn lýst verður eftir umsóknum um loyvi at seta upp vindmyllur. SEV vil eisini sleppa uppí, tá Vinnumálaráðið viðger umsóknir, sum eru komnar, uttan at lýst er eftir umsóknum. </div><div><br></div><div>SEV sigur, at hetta er fyri at tryggja, at útbjóðingar og umsóknir eru í samsvari við tørvin á elmarknaðinum og við fyriliti fyri tøkniligum avmarkingum og veitingartrygdini.</div><div><br></div><div>Landsstýrismaðurin í vinnumálum, Johan Dahl, sigur, at nú hevur tað skund at fáa meiri vindorku í Føroyum. Tí vil hann sleppa undan at noyðast at bjóða vindorkuna út hvørja ferð. Hann sigur, at treytin um útboð kann seinka skilagóðum loysnum. </div><div> </div><div>Lógarbroytingin er til viðgerðar í Vinnunevndini hjá Løgtinginum. </div>
