- Tíðindi, mentan og ítróttur
Hava einki frætt um pening til dynamittið
<div>Stýrið í Íleggingargrunninum hevur einki frætt um, at landsstýrismaðurin í vinnumálum hevur biðið donsku stjórnina um at taka 28 milliónir krónur úr grunninum at brúka til at beina fyri gamla dynamittinum á flogvøllinum.</div><div><br></div><div>Tað sigur formaðurin í stýrinum, Palli Ziskason. </div><div><br></div><div>Annars hevur hann onga viðmerking um tíðindini, sum Útvarpið hevði leygardagin frá Johan Dahl, landsstýrismanni, um tær 28 milliónirnar, sum skulu takast úr grunninum, so hann verður niðurlagaður. </div><div><br></div><div>Tað hevur við sær, at Íleggingargrunnurin hevur 28 milliónir krónur minni at arbeiða við og lána út til undirstøðukervið í Føroyum.</div><div><br></div><div>Leygardagin segði Johan Dahl, at hann hevði tosað við Henrik Dam Christensen, flutningsmálaráðharra, um at fáa pengar til at beina spreingievnið við flogvøllin burtur. </div><div><br></div><div>Henrik Dam Christensen lovaði at leggja málið fyri donsku stjórnina, segði Johan Dahl.</div><div><br></div><div>Tá 365 milliónir krónur vórðu tiknar, ikki læntar, úr Íleggingargrunninum til at útbyggja flogvøllin, varð tað gjørt sambært avtalu millum løgmann og forsætisráðharran. Og Anders Fogh Rasmussen, forsætisráðharri, bað fólkatingið broyta lógina um Íleggingargrunnin.</div><div><br></div><div><br></div>
