- Tíðindi, mentan og ítróttur
Álitini í makrelmálinum koma í næstu viku
<div>Lógaruppskotini, sum skulu skipa makrelfiskiskapin í summar, koma neyvan aftur í tingsalin fyrr enn síðst í næstu viku.</div><div><br></div><div>Vinnunevndin hjá løgtinginum er farin at viðgera lógaruppskotini, og nevndin ætlar sær at brúka fleiri dagar afturat at viðgera málið, áðrenn álit verður skrivað.</div><div><br></div><div>Higartil hava 20 persónar, feløg og stovnar fingið fundarboð í vinnunevndini. Og sambært nevndarformanninum, Alfredi Olsen, verða kanska fleiri innkallað. </div><div><br></div><div>- Fleiri hava gjørt vart við seg og hava biðið um loyvi at føra síni sjónarmið fram fyri nevndini. Halda vit hesi vera viðkomandi fyri viðgerðina, verða tey eisini innkallað, sigur Alfred Olsen.</div><div><br></div><div>Fundur er aftur í vinnunevndini í dag, og harafturat er allur týsdagurin settur av til at viðgera lógaruppskotini um makrelfiskiskapin.</div><div><br></div><div><br></div>
