- Tíðindi, mentan og ítróttur
Loftið í hvalbiartunlinum hækkað
<p>Møguleikarnir fyri flutningi hjá vinnulívinum í Hvalba eru batnaðir, nú loftið í hvalbiartunlinum er hækkað hálvan metur.</p><div><br></div><div>Fríhæddin var upprunaliga tríggjar metrar, men nú er hon hálvan fjórða metur, har hon er hægst.</div><div><br></div><div>Í fyrstu atløgu skrótaði Landsverk so mikið av gróti undan loftinum, at hæddin var 3,3 metrar. Síðani varð meiri skrótað, og nú er lægsta fjarstøðan millum vegbreytina og tunnilsloftið hálvan fjórða metur. </div><div><br></div><div>Landsverk sigur, at nú skuldu møguleikar verið at koyrt í hvalbiartunlinum við størri akførum og bingjum, sum vinnulívið í Hvalba hevur eftirlýst. Við einum serakfari, har til ber at lækka vognin, kann koyrast í tunlinum við bingjum í vanligari stødd.</div><div><br></div><div>Arbeiðið at hækka tunnilsloftið í hvalbiartunlinum hevur kostað umleið tvær milliónir krónur. </div>
