Vilja fáa fleiri ung í fiskivinnuna

Higartil hevur tað verið sera trupult hjá ungum fiskarum at koma í gongd við fiskiskapin, tí reglurnar hava verið so strangar. Men í dag eru nýggjar reglur settar í gildi, sum gera tað lættari at fáa fiskiloyvi.

Nú ber til hjá teimum, sum hava útbúgving innan fiskivinnu ella á annan hátt hava royndir við fiskiskapi at fáa undantaksloyvi til fiskiloyvi. Tað skrivar grønlenska fiski- og veiðimálaráðið.

Samstundis ber nú til at fáa egið fiskiloyvi, um tú hevur mynstrað við fiskiskipið, sum hevur roynt eftir svartkalva.

Ung í fiskivinnuna

Nýggja reglugerðin skal fáa fleiri ung at arbeiða innan fiskivinnu, og nýggju loyvini geva atgongd til øll fiskasløg inni við land, og linari treytir fyri fiskiskap eftir toski.

Tó skulu ungu fiskifólkini tó framvegis søkja um fiskiloyvi, sum øll onnur, um tey skulu fiska í økinum frá Disko og norður móti Upernavik.

Treytin fyri yvirhøvur at søkja er, at umsøkjarin eigur eina jollu og neyðuga fiskireiðskapin, skrivar KNR.gl.