- Tíðindi, mentan og ítróttur
Pláss fyri øllum í skúladeplinum
<div>Hetta framgongur í svari hjá Bjørn Kalsø, landsstýrismanni í skúlamálum, til Sirið Stenberg, løgtingskvinnu, sum hevur spurt um skúlatilboð til næmingar við serligum tørvi. Annars hevur landsstýrismaðurin ikki so nógv ítøkiligt at vísa á í svarinum, annað enn at samgongan arbeiðir við málinum.</div><div><div><br></div><div>Hann sigur, at royndirnar frá skúlatilboðnum á Rásini verða grundarlag undir fyrireikingunum at skipa onnur samsvarandi undirvísingartilboð fyri ung við menningartarni. Millum annað arbeiðir Mentamálaráðið við serliga tilrættaløgdum miðnámsútbúgvingum til ung við serligum tørvi aftan á fólkaskúlan. Sernám metir, at yvir 30 næmingar hava brúk fyri serligum miðnámskúlatilboði eftir 9. ella 10.flokk. Á Rásini er pláss fyri sjey. </div><div><br></div><div>Bjørn Kalsø sigur, at arbeitt verður í løtuni við at skipa førleikastovur í stóru og miðalstóru skúlunum, har sernámsfrøðiligu tilboðini og fakøkini verða samskipað.</div></div>
