- Tíðindi, mentan og ítróttur
Pengar á bók: Arbeiðsleys onga forsorgarhjálp
<div>Fólk, sum eiga pengar, fáa ikki forsorgarhjálp frá Almannastovuni, hóast tey eru arbeiðsleys.</div><div><br></div><div>Tað hevur Kærunevndin í almanna- og heilsumálum staðfest.</div><div><br></div><div>Ein maður, sum eigur góðar 110.000 kr. á bók, søkti Almannastovuna um uppihaldshjálp. Men Almannastovan segði nei. Maðurin kærdi avgerðina hjá Almannastovuni til Kærunevndina í almanna- og heilsumálum. Nevndin staðfesti avgerðina. </div><div><br></div><div>Almannastovan og Kærunevndin siga, at maðurin eigur tøkan pening á egnari kontu í bankanum og á kontu, sum hann eigur saman við einum systkini, pengar, sum hann kann brúka til at forsyrgja sær.</div><div><br></div><div><b>Hjálpti einki</b></div><div><br></div><div>Tað hjálpti einki, at maðurin segði, at kontan, sum hann eigur sjálvur annar, var ætlað til at skifta vindeyguni í húsunum. Á kontuni stóðu góðar 80.000 kr., tá maðurin bað um uppihaldshjálp. </div><div><br></div><div>Rentustuðilin fór á hesu kontuna. Men Almannastovan og Kærunevndin siga, at rentustuðul verður mettur sum onnur inntøka og sum tøk inniogn. </div><div><br></div><div>Forsorgarlógin sigur, at fólk, sum eiga pengar, eiga at brúka teir fyrst, áðrenn tey fáa pengar frá Almannastovuni.</div><div><br></div>
