- Tíðindi, mentan og ítróttur
Føroyingar møguliga yvirtaka loftrúmið
<div>Við sjálvur at skera uppskotið til, so samgongan kundi svølgja tað, fekk Framsókn fulla undirtøku í løgtinginum fyri at yvirtaka loftrúmið yvir Føroyum. Meirilutin í Uttanlandsnevndini, umboðini hjá samgonguni, mæltu annars frá at samtykkja uppskotið, tí løgmaður arbeiðir við málinum.</div><div><div><br></div><div>Men so gjørdi maðurin hjá Framsókn í Uttanlandsnevndini, Poul Michelsen, eitt broytingaruppskot, sum varð samtykt í tinginum. Upprunaliga vildi Framsókn hava tingið at heita á landsstýrið um at samráðast við ríkisstjórnina um yvirtøku av loftrúminum yvir Føroyum, og koma við lógaruppskoti um at skipa føroyskt eftirlit við loftrúminum. </div><div><br></div><div>Men Framsókn broytti uppskotið, so tingið nú heitir á landsstýrið um at útgreina og kanna møguleikarnar fyri at yvirtaka loftrúmið yvir Føroyum til føroyska umsiting og síðani samráðast við ríkisstjórnina um yvirtøku. Landsstýrið skal eisini gera lógaruppskot um at skipa føroyskt eftirlit við loftrúminum.</div></div>
