- Tíðindi, mentan og ítróttur
Grannskoðarar stevna løgmann
<div>Fýra grannskoðarar hava avgjørt at stevna løgmanni. Teir vilja hava rættin at ógilda avgerðina hjá løgmanni um at staðfesta avgerðina hjá Skráseting Føroya um at taka løggildingina frá granskoðarunum, tí teir ikki hava staðið eina próvtøku, sum krevst fyri at fáa løggilding.</div><div><div><br></div><div>Teir fýra grannskoðararnir, sum hava arbeitt sum grannskoðarar í fimm ár, tí teir hava løggilding, vilja eisini hava Føroya rætt at staðfesta, at løggildingin stendur við, uttan at teir skulu upp til roynd.</div><div><br></div><div>Skrásetingin segði, at grannskoðararnir skuldu upp til roynd, áðrenn eitt ár er farið. Men ta freistina broytti løgmaður til trý ár.</div><div><br></div><div>Christian Andreassen, sum er advokatur hjá grannskoðarunum, ætlaði at byrja málið í Landsrættinum fyri at stytta leiðina upp í Hægstarætt. Men tað vildi Løgmansskrivstovan ikki. Tí byrjar málið í Føroya rætti. </div><div><br></div><div>Stevningin verður nú skrivað, sigur Christian Andreassen. </div><div><br></div><div>Tá Føroya rættur hevur fingið stevningina, byrjar enn eitt kapittul í drúgvu søguni, sum byrjaði í november í 2010, tá Løgtingsins umboðsmaður kom við frágreiðingini um teir níggju grannskoðararnar, sum sambært henni av órøttum høvdu fingið løggilding at arbeiða sum grannskoðarar. </div></div><div><br></div>
