Vinnunevndin skrivar álit um fiskidagarnar

Vinnunevndin hjá løgtinginum er farin at skriva álit um fiskidagarnar.

Nevndin viðgjørdi uppskotið hjá Jacob Vestergaard, landsstýrismanni, í gjár. Hann mælir til sama dagatal sum í verandi fiskiári.   

Á fundinum í gjár tosaði Vinnunevndin við Herálv Joensen, stjóra, og Hálvdan Gudmundsen, nevndarlim í Reiðarafelagnum, Jan Højgaard, formann í Fiskimannafelagnum, og Páll Hansen, formann í Maskinmeistarafelagnum og við umboðini hjá skipabólkunum í  Fiskidaganevndini.

Nevndin hitti eisini Jacob Vestergaard, landsstýrismann, Rógva Reinert, aðalstjóra í Fiskimálaráðnum, Eilif Gaard, stjóra, og Lise H. Ofstad, fiskifrøðing á Havstovuni, og Jóhan Simonsen, fulltrúa á Vørn. 

Síðani Janus Rein fór í Fólkaflokkin, hevur Framsókn ikki fólk í Vinnunevndini. Men Poul Michelsen var eygleiðari á fundinum í gjár.

Onnur viðgerð um uppskotið um fiskidagarnar verður mikudagin.