- Tíðindi, mentan og ítróttur
Tjóðveldi: Set Tilfeingi á miðnámsskúlatalvuna
<div>Skúlaskipanin er í ov stóran mun bygd á eina undirskipan og fyrireiking til tað danska skúlaverkið burturav.</div><div>Tað heldur Tjóðveldi, sum ynskir at broyta millum annað lærugreinirnar í miðnámsskúlunum, so tær í størri mun avspegla føroyska samfelagið heldur enn at vera atgongumerkið til ta donsku útbúgvingarskipanina.</div><div><br></div><div> - Tjóðveldi heldur
í fyrsta lagi, at tað eigur at verða ásett ein felagslærugrein, ið eitur <i>?tilfeingi?</i>, sum skal taka støði í
tilfeingislæru í breiðari merking, skriva tey bæði Høgni Hoydal og Gunnvør Balle millum annað í minnilutaálitinum til uppskotið um nýggja gymnasiella skipan.</div><div> </div><div>- Føroyar liggja í
miðjum Norðuratlantshavi. Her eru náttúruríkidømi, orkukeldur, fatanin av
vistfrøðiligum skipanunum og burðardygg gagnnýtsla av bæði náttúru- og
menniskjaligum tilfeingi, grundleggjandi fortreytir fyri lívi og framtíð, skriva tey bæði tjóðveldisumboðini víðari í minnilutaálitinum.</div><div><br></div><div>Minnilutin mælir samstundis millum annað til at strika ítrótt og heilsu sum kravda lærugrein á C-stigi og ístaðin lata lærugreinina verða vallærugrein.</div>
