- Tíðindi, mentan og ítróttur
Borgarstjórin í Havn ynskir marghøll
<p>Borgarstjórin í Havn, Heðin Mortensen, heitir á býráðið um at taka støðu til at gera eina marghøll niðan mót Villingadali.</p><div> - Høvuðsstaðurin
og landið alt manglar stórhøll ? eina innandura multiarena ? til alskyns tiltøk
við nógvum áskoðaraplássum. Tórshavnar kommuna eigur at ganga á odda at útvega
Føroyum eina slíka stórhøll, skrivar Heðin Mortensen í tíðindaskrivi.</div><div><br></div><div>Hann heldur, at býráðið eigur at kanna ymiskar møguleikar at fáa fígging frá almennum og privatum grunnum í Føroyum og uttanlands.</div><div><div><br></div><div>Stórhøllin
skal hava fótbóltsvøll bæði til kappingardystir, landsdystir og venjing.
Stórhøllin skal harumframt kunna veita umstøður til aðrar ítróttagreinir, til
finalur og til størri altjóða kappingar. </div><div><br></div><div>Býráðið arbeiddi í 2004 og 2005 við eini ætlan um
at gera fótbóltshøll niðan móti Villingardali. Ætlanin var tó fyribils slept,
m.a. tí at fleiri líknandi verkætlanir vóru í umbúna kring landið. </div><div> </div><div> - Borgarstjórin ynskir, at býráðið tekur støðu til at gera eina størri høll við
fleiri brúksmøguleikum heldur enn bert vanliga fótbóltshøll, og at henda verður
bygd á sama stað, sum ætlanin var at byggja fótbóltshøllina, stendur í skrivinum.</div><div><br></div><div>Stórhøllin skal vera fyri allar føroyingar. Tí eigur býráðið at kanna
ymiskar møguleikar at fáa fígging frá almennum og privatum grunnum í Føroyum og
uttanlands.</div><div><p class="MsoNormal">Borgarstjórin mælir býráðnum til at samtykkja, at málið verður beint í
mentamálanevndina at viðgera innihaldsliga partin, og í fíggjarnevndina at útvega
fígging, herundir eisini at kanna møguleika fyri fígging úr almennum og
privatum grunnum í Føroyum og uttanlands.<br>
<br>
Málið kemur fyri á býráðsfundi nú mikudagin 2. mei.</p></div></div>
