- Tíðindi, mentan og ítróttur
Mesta oljan tikin upp
<div>Tórshavnar Sløkkilið hevur fingið stóran part av hydraulisku oljuni upp, sum lak út, tá portugisiski trolarin Aveirense renda á ís-kaiina í gjáramorgunin. </div><div><br></div><div>Anfinn Reinert, átaksleiðari, dugir ikki at meta um, hvussu nógv olja er tikin upp, men hann roknar við nøkrum tonsum. Nakrar girðingar eru framvegis í sjónum framvið ytsta partinum av vestaru bryggju.</div><div><br></div><div>- Olja kann vera undir bryggjuni, so tær girðingarnar verða liggjandi til mánadagin, sigur átaksleiðarin, sum staðfestir, at hesaferð hevði oljudálkingin ikki so ógvusligar avleiðingar. Nógv er tikið upp, nakað er farið til havs og aliringarnir undir argjalandinum sluppu snikkaleysir, sigur Anfinn Reinert.</div>
